පසුගිය බ්‍රහස්පතින්දා රැයේ මැදියම ඉක්ම වූවා පමණි. හදිසියේම දුරකතන නාද විය. මැදියම ඉක්ම වූ පසු ලැබෙන දුරකථන ඇමතුම් බොහෝවිට සුබදායක නොවන බව නම් ඉතා පැහැදිළිය. දුරකථනයේ එහා කෙළවර වූයේ ප්‍රවිණ ලේඛිකා රමණි බුලත්සිංහලය.
" රත්නායක රොලන්ඩ් නැති වුණා දැන් ටිකකට කලින්"
" කොහෙදිද නැතිවුනේ , මොකක්ද හේතුව? "
" බලංගොඩ රෝහලේ, හේතුව නම් නම් දන්නෙ නෑ. ඔයා මේ පණිවුඩය හැමෝටම කියන්න. මම ෙපාත් ලියන කියන්නම්"
"හරි මම කියන්නම්"
ඇය තවත් බොහෝ දේ කියා දුරකථනය විසන්ධි කළාය.
රටේ එතරම් ජනප්‍රිය නමක් නොවුවද, කලා ක්ෂේතරයේ නමක් දිනාගෙන සිටි රෝලන්ඩ් ඒ ප්‍රනානන්දු මහතා මියගිය බව කලා ක්ෂේත්‍රයේ බොහෝ දෙනෙකුට දැනගැනීමට සලැස්වූ මම පසුදින පෙරවරුවේ ම මම බලංගොඩ බලා ගියෙමි. ගෙවුණු සති අන්තයම ගත වූයේ රෝලන්ඩ්ගේ නිවසේය
රෝලන්ඩ් මට හමුවූයේ අනූව දශකයේ දීය. ඒ ගායන ශිල්පී එඩ්වඩ් ජයකොඩි මහතාගේ නිවසේදීය. එදා මෙදාතුර ඔහු මාගේ ඉතාමත් සමීප හිතවතෙක් විය. තැනින් තැන සුදුවෙමින් මුහුණ පුරා වැවුන රැවුලත්, ජාතික ඇඳුමෙන් ද, නිරන්තර සිනා වතකින්ද මුව සරසා සිටි රෝලන්ඩ් ඉතාම ප්‍රිය මනාප අයෙකු විය. මට වඩා බෙහෙවින්ම වයස්ගත වුවත් ඔහු මට සැම විටම කතා කළේ "මචං" කියා ය. මමද ඔහුට "මචං" කීවෙමි. ඒ වැඩිහිටියෙකුටත් වඩා අප අතර තිබූ මිත්‍රත්වය නිසා ය.
රෝලන්ඩ් කලා ක්ෂේත්‍රයට පිවිසියේ නාට්‍යකරුවකු වශයෙනි. ඒ අසූව දශකයේ දීය. ඔහු නිර්මාණය කළ වේදිකා නාට්‍ය අතර වෙස්, වහල්ලු, සුරූපී සහ විරූපී, මාගම් සෝලිය සහ දිවැස හෙළනු මැන යන නාට්‍ය විය. මේ නාට්‍ය අතරින් ජයලත් මනෝරත්න රගපෑ “දිවැස හෙළනු මැන” මෙරට පමණක් නොව යුරෝපයේ රටවල් රැසකද වාර ගනනාවක්ම රඟ දැක්වූ වේදිකා නාට්‍යකි. එය ඔහුගේ වේදිකා නාට්‍ය ඉතිහාසයේ විශිෂ්ඨතම නාට්‍යක්ද විය.
රෝලන්ඩ් වේදිකා නාට්‍ය ක්ෂේත්‍රයේ සිටියදීම ටෙලි නාට්‍ය ක්ෂේත්‍රයටද යොමු විය. ඔහු විසින් නිර්මාණය කල ටෙලි නාට්‍ය කීපයක්ම තිබුණි. “පූජා” සහ “පටලැවිල්ල” යන ටෙලි නාට්‍ය මගේ මතකයේ රැඳුන ටෙලි නාට්‍ය වේ.
රෝලන්ඩ් වෘත්තීය පොත් ප්‍රකාශකයෙකු වශයෙන් ක්ෂේත්‍රයේ නමක් දිනා සිටි අයෙකි.“තාරක” නමින් පොත් ප්‍රකාශන ව්‍යාපෘතියක් පවත්වාගෙන ගියේය. ඔහු මිය යන තෙක්ම පොත් ප්‍රකාශනයේ නියැලී සිටියේය.
රෝලන්ඩ්ගේ “තාරක”පොත් ප්‍රකාශන ව්‍යාපෘතිය යටතේ නවක ලේඛක ලේඛිකාවන් රැසකට අත්වැල සපයමින් විශාල මෙහෙවරක් ඉටු කළේය .ඒ යටතේ ලේඛන කලාවේ නවකයෙකු ලෙස නවකතා ලිවීම ආරම් කල ඇතැම් ලේඛක ලේඛිකාවෝ මේ වන විට නවකතා පොත් විසිපහ හෝ පනහකට වැඩි ප්‍රමාණයක් ප්‍රකාශයට පත්කර නවකතා ක්ෂේත්‍රයේ සිය නම රඳවා ගැනීමට සමත් වූ අය අතර වෙති.
රෝලන්ඩ්ගේ “තාරක”පොත් ප්‍රකාශන ව්‍යාපෘතිය යටතේ නවක ලේඛක ලේඛිකාවන් රැසකට අත්වැල සපයමින් විශාල මෙහෙවරක් ඉටු කළේය .ඒ යටතේ ලේඛන කලාවේ නවකයෙකු ලෙස නවකතා ලිවීම ආරම් කල ඇතැම් ලේඛක ලේඛිකාවෝ මේ වන විට නවකතා පොත් විසිපහ හෝ පනහකට වැඩි ප්‍රමාණයක් ප්‍රකාශයට පත්කර නවකතා ක්ෂේත්‍රයේ සිය නම රඳවා ගැනීමට සමත් වූ අය අතර වෙති.
රෝලන්ඩ් මිය ගිය පුවත ඇසු ඔහුගේ පොත් ප්‍රකාශන ව්‍යාපෘතියෙන් ආලෝකය ලද ලේඛක ලේඛිකාවෝ සියළුම දෙනා ඔහු ඇසුරේ සිටි සියළුම කලා ක්ෂේත්‍රයේ ගායක ගායිකාවන්, නළු නිළියන්ද කොළමින් ඉතා දුර බැහැර වුවත් බළංගොඩ නිවසට පැමිණ සිටියේ ඔහු කලා ක්ෂේත්‍රයේ හිත හොඳ මිනිසකු වූ නිසාය.
පාඨකයන් අතර ජනප්‍රිය වන පොත් මෙන්ම පාඨකයාට අධ්‍යාපනික, පර්යේෂණාත්මක අතින් වැදගත් වන කෘතීන් ප්‍රකාශයට පත්කිරීමේ අභිලාෂය ඔහු තුළ නො අඩුවම තිබුණි.ඒ නිසාම පී.කේ.ඩී.සෙනෙවිරත්ත සූරීන් විසින් ලියන ලද “පර සතු මල්” චිත්‍රපටයේ තිර රචනය ඇසුරින් පී.කේ.ඩී.සෙනෙවිරත්ත විසින් රචිත "පර සතු මල්”නවකතාවේ ඉතාම දුර්ලභ අත්පිටපත සොයාගෙන “ පර සතු මල්” නවකතාව “තාරක” පොතක් ලෙසින් ප්‍රකාශයට පත් කළේය.
රෝලන්ඩ්, ළඟින්ම ඇසුරු කළ අය අතර ගාමිණි සිනමා සක්විති ආචාර්ය ගාමිණී ෆොන්සේකා මහතාද , ආචාර්ය ලෙස්ටර් ජේම්ස් පීරිස් සහ සුමිත්‍රා පීරිස් යුවලද විය. ගාමිණී ෆොන්සේකා සූරීන්ගේ ඇසුරේ සිටි රෝලන්ඩ් වෛද්‍ය අනිල් සමරනායක ලියූ “ගාමිණී - ශ්‍රී ලංකේය සමාජ ප්‍රවාහය අභිමුව” ග්‍රන්ථය තාරක පොතක් ලෙසින් ප්‍රකාශයට පත් කළේය. එය ගාමිණීගේ චරිත කතාවට වඩා ශ්‍රී ලංකාවේ සමාජීය,සංස්කෘතික හා දේශපාලන ප්‍රවාහයන් හරහා ගොඩනැගුණු ශ්‍රී ලංකාවේ විශිෂ්ඨතම රංග ධරයාගේ ජීවන ප්‍රවාහයේ විශ්ලේෂණයක්ම විය.
තවද රෝලන්ඩ්, ලේඛකයෙක් මෙන්ම හොඳ පර්යේෂකයෙක්ද විය. ආචාර්ය ගාමිණී ෆොන්සේකා සූරීන් රඟ පෑ සියළුම චිත්‍රපට වල තොරතුරු විස්තර සහ රූපාවලිය ඇතුළත් “රජදැක්ම” දැවැන්ත කෘතියක් ලෙසින් රෝලන්ඩ් විසින්ම ලියා ප්‍රකාශයට පත් කළේය. ඒ වූකලී රෝලන්ඩ්ගේ ලේඛන කලාවේ අධි සන්ධිස්ථානයක්ම විය. මා දන්නා පමණින් ගාමිණී ෆොන්සේකා මහතා ජීවත්ව සිටියදී තම චරිතාපදානය සහ සිනමා සිත්තම් රූපාවලියක් කිරීමට අවසරය ලද එකම තැනැත්තා වූයේ රෝලන්ඩ් පමණි.
රෝලන්ඩ් ලියූ "රජදැක්ම" කෘතිය සඳහා ඔහු එවකට ලංකාවේ භාවිතා වූ වටිනාකමින් ඉහළම කඩදාසි වර්ගය භාවිතා කළේය.එම කෘතිය A-4ප්‍රමාණයේ කෘතියක් වූ බැවින්ම එවකට ලංකාවේ මිළ කල මිළ අධිකම කෘතියද එය විය." ඇයි මෙච්චර ගනන් පොතක් ප්‍රින්ට් කළේ? මේක කියවන්න නම් මාසෙකට දෙපාරක්වත් පඩියක් ගන්න කෙනෙක් වෙන්න ඕනෑ " මම කීවෙමි.
" ඇත්ත, මචෝ උඹ දන්නවනේ ගාමිණී ෆොන්සේකා කියන්නේ ලංකාවෙ චිත්‍රපට රජ්ජුරුවෝ. ඉතින් එයාගෙ හැටියට පොතත් තියෙන්න ඕනෑ. අනික මේ පොත ටිකයි ප්‍රින්ට් කරන්නේ. පොත් සාප්පුවලට දාන්නෙ නෑ"
රෝලන්ඩ් එදා එසේ කීවේ සිනාසෙමිනි. ඔහුට එදා එවැනි කෘතියකින් ඇතිවන පාඩුව ගැන බිඳක්වත් සැළකුවේ නැත.එළෙසම ආචාර්ය ලෙස්ටර් ජේම්ස් පීරිස් සූරීන්ගේ “සංදේශය” චිත්‍රපටයට පසුබිම් වූ තොරතුරු, ඡායාරූප, විචාර සමග චිත්‍රපට තිර රචනය ඇසුරින් ලියැවුණ නවකතාවද ඇතුළත් “සංදේශය”පර්යේෂණාත්මක ග්‍රන්ථයද, ලෙස්ටර්ගේ අද්විතීය සිනමා නිර්මාණය වූ "නිධානය" චිතුපට තිර රචනයද, රෝලන්ඩ් ඒ ප්‍රනානන්දුගේ සංස්කරණයක් ලෙසින් ඔහු විසින්ම ප්‍රකාශයට පත් කරන ලදි.
" මචෝ හොඳ නවකතාවක් ලියමුද?" ඔහු මට හමුවූ හැමදාකම මගෙන් ඇසුවේය.
"වෙලාවක් නෑ බං නවකතා ලියන්න"
" එකක් ලියන්න පටන් ගනිං. මම ප්‍රින්ට් කරන්නම්"
" හරි මම බලන්නම්. ඊට වඩා මම කැමතියි ශාස්ත්‍රිය පොතක් ලියන්න. මට කතෘ භාගය එපා ඒ වෙනුවට පුළුවන්නම් ප්‍රින්ට් කරල දීපං"
" ඔය වගේ පොත්වලට එච්චර මාකට් එකක් නෑ. හරි මොකක්ද ඔය පොත?"
" මේක එඩ්වඩ්ගෙ ගී ගැන විමර්ශනාත්මක විග්‍රහයක් කැමතිද?"
" හරි කරමු"
රෝලන්ඩ් එඩ්වඩ්ගේද සමීප මිතුරකු වූ නිසාම වැඩේ ලේසියෙන්ම ඉටුකර ගත හැකි විය.එදා නවකතාවක් ලියන්නැයි ඔහු කළ ඉල්ලීම වෙනුවට මා විසින් සංස්කරණය කළ “එඩ්වඩ් ජයකොඩි ප්‍රතිභාවලෝකන - මාරම්බරී” කෘතියද කිසිඳු ලාභ අපේක්ෂාවකින් තොරව රෝලන්ඩ් විසින් “තාරක” පොතක් වශයෙන් ප්‍රකාශයට පත් කළේ ඔහු කලා ක්ෂේත්‍රයට දැඩිව ආදරය කළ රසිකයෙකු හා සහෘදයෙකු වූ බැවිනි.
ඔහු ජීවත්ව සිටින තුරා කිසි දවසක නවකතාවක් මම ඔහුට ලියා නොදුන්නද, ඒ වෙනුවට හොඳට ලිවීමේ හැකියාව තිබූ නවක ලේඛක ලේඛිකාවන් කී දෙනෙකුටම රෝලන්ඩ්ගේ "තාරක" පොත් ප්‍රකාශන ව්‍යාපෘතිය යටතේ නවකතා ප්‍රකාශයට පත් කර ගැනිමට අවශ්‍ය දොර හැර දුන්නෙමි. රෝලන්ඩ් ඒ නවකතා එකින් එක මුද්‍රණය කර බෙදාහැරියේය. එපමණක්ද නොව ඒවා ලියු ලේඛක ලේඛිකාවන්ට හිමිවිය යුතු කතෘ භාගයද ගෙවා දැම්මේය. එපමණකින් නොනැවතී ඔවුන්ගේ දෙවන, තෙවන නවකතාද ඔහු විසින් ප්‍රකාශයට පත් කළේය.
එසේ කලා ලොව වර්ණවත් කළ බලංගොඩ,පින්නවල ග්‍රාමයේ උපන් රෝලන්ඩ් ජාතික ඇදුමින් නිරන්තරයෙන් සැරසී සිටි කතෝලික බැතිමතෙක් විය.හදිසියේ ඇති වූ රෝගාබාධයකට ලක්ව මිය යන විට 64 වන වියේ පසු වූ ඔහු ජනවාරි 16 වන දා පස්වරුවේ සිය උපන් ගම වූ බලංගොඩ,පින්නවල රෝමානු කතෝලික පොදු සුසාන භූමියේදී අවසන් ගමන ගියේ පිපි සුවඳ දෙමින් තිබූ කුසුමක් අකල් සැඩ සුළං පහරකට හසුව ගිලිහී වැටෙන්නාක් මෙනි .
මෙවන් සහෘදයන් මේ ජීවිතේදී යළි හමු නොවුනද, මේ සංසාර චාරිකාවේ කොතැනක හෝ ලද විරාමයක දී හමුවනු ඇත.යළි කෙදිනකවත් මේ ජීවිතේදි හමු නොවන නිසා එතෙක් හමුවු හැම දිනකම වෙන්ව ගිය අයුරින්ම, අදත් කීමට ඇත්තේ,
" රෝලන්ඩ් උඹට සුබ රාත්‍රියක් මචං" කියා පමණි.
" අස්වැන්න" ට මා ලියූ මේ සටහන 2012.01.20 සිකුරාදා "ලංකාදීප" පුවත්පතේ රසවින්දන කලා අතිරේකය මගින්ද එදිනම "දිවයින" පුවත්පතේ කලා පිටුව මගින්ද පළකර තිබුණි. එම පුවත් පත් කතුවරුන්ටත් සංස්කාරකවරුන්ටත් මේ සොඳුරු මිනිසා වෙනුවෙන් මගේ කෘතවේදීත්වය
පසු සටහන:
" අස්වැන්න" ට මා ලියූ මේ සටහන 2012.01.20 සිකුරාදා "ලංකාදීප" පුවත්පතේ රසවින්දන කලා අතිරේකය මගින්ද එදිනම "දිවයින" පුවත්පතේ කලා පිටුව මගින්ද පළකර තිබුණි. එම පුවත් පත් කතුවරුන්ටත් සංස්කාරකවරුන්ටත් මේ සොඳුරු මිනිසා වෙනුවෙන් මගේ කෘතවේදීත්වය
හ්ම්ම් ආසාවෙන් කියෙව්වා
ReplyDelete"පටලැවිල්ල" ටෙලි නාට්‍යය මටත් හොඳට මතකයි...මම මෙතුමා ගැන නම් දැනගෙන හිටියේ නැහැ...බොහොම ස්තුතියි විස්තරයට...
ReplyDeleteසුන්දරත්වය හඳුනා ගැනීම හා ඇසුරු කිරීඹත් සුන්දර අත්දැකීමක්ය! සුන්දර රොනල්ඩ් සාමදානයේ සැතපේවා!
ReplyDelete“දිවැස හෙළනු මැන” නාට්‍යය ඇත්තෙන්ම විශිෂ්ඨ නාට්‍යයකි. "" රෝලන්ඩ් ඔබට සුබ රාත්‍රියක් " යනු මගේද පැතුමයි. ස්තුතියි විස්තරයට.
ReplyDeleteමැණික්
When I was going to nursery I met this great person. He was used to call me as "YALUWA" Time passed. We had to change our residence and new residence was close @ Roland Mama's home. So I always used to go Roland Mama"s please because of Tharaka (His only son) So I'm the second child of Roland Mama and he was always telling this.
ReplyDeleteTime passed....... We started a music band with the assistance of Roland Mama I had to spend lot of time of my live @ Roland Mamas place than living my home after doing my job. He has helped me in various ways and this is not the time to tell all.
After 4 years it was 23rd October 2011. I met with an accident and I had to hospitalized with damages of the leg. Roland Mama came to see me frequently and was calling me to ask my situation.
I came home from hospital but can't walk only on bed. Definitely 2 or 3 times he was coming home and chatting with me.
12th January 2012. I got a call saying Roland Mama was hospitalized. The time is around 9.30pm. I called Tharaka and he was crying seriously. The I called to Ward 02 of Balangoda Hospital and asked the situation of Roland Mama. It was the ever bad word I asked in my life. It said that he went..........
Unfortunate side is this of the story. I couldn't go to say Good Bye to Roland Mama because of my illness. I'm suffering for it in my mined.
Dear Roland Mame....... You may rest in peace......
Yours loving,
Chani
තාරක ප්‍රකාශකයෝ ගැන අහලා තිබුණත් ඒකේ හිමිකරුවා ගැන ඒ කියන්නේ ඔහු කලාකරුවෙක් කියලවත් දැනගෙන උන්නේ නැහැ. ස්තුති දැනුවත් කිරීමට.
ReplyDeleteඔහුට නිවන් සුව ප්‍රාර්ථනා කරනවා
පිළිම නෙලා නැති මිනිසෙක් පිළිබඳ කළ අගනා පිළිමයකි.
ReplyDeleteසොඳුරු මිනිසෙකුගේ නිහතමානී සේවය කළණ මිතුරෙකුගේ ඇසින් දුටු අයුරු....... ඔබට තුති රෝලන්ඩ් නම් වූ ඒ යහපත් මිනිසාගේ සේවය අගය කළාට....
ReplyDelete